MAYNILA - Sumiklab ang sunog sa residential area sa Pasig City, Huwebes ng umaga, na nagdulot ng pagkasugat sa apat na tao, ayon sa awtoridad.

Nangyari ang trahedya sa Caliwas Street, Lusong Compound, Barangay Pinagbuhatan bandang alas-10 ng umaga.

Sa video na kuha ng ilang residente, kita ang malaking apoy na lumamon sa mga bahay na gawa sa light materials.

• Fire station sa Pandacan binubuo ng mga babaeng bumbero

Ayon sa residenteng si Mary Joyce Dela Paz, nagmula umano ang sunog sa kawad ng kuryente ng kanilang kapitbahay.

Sa bilis ng pagkalat ng apoy, walang naisalba sina Dela Paz at nasawi ang kanilang apat na alagang aso.

Umabot sa 5th alarm ang sunog na nirespondehan ng mga bombero mula sa iba’t ibang lungsod sa Metro Manila.

Tumagal ng higit isang oras ang sunog bago ito naapula bandang alas 10:30 ng umaga.

Apat na residente ang nagtamo ng 1st degree burn at nasugatan habang lumilikas.

Nasa 40 hanggang 50 bahay ang natupok ng apoy.

Iniimbestigahan pa ng Pasig BFP ang sanhi ng sunog.

-- Ulat ni Lady Vicencio, ABS-CBN News

KAUGNAY NA VIDEO

Watch more News on iWantTFC