Watch more in iWantv or TFC.tv

Lumusot na sa ikatlo at huling pagbasa sa Kamara ang panukalang batas na nagdedeklara sa Enero 18 bilang "Araw ng Kasambahay."

Nasa 225 mambabatas sa mababang kapulungan ang bumoto sa pagpasa ng House Bill 6258 na naglalayong kilalanin ang serbisyo ng mga kasambahay.

Panukalang batas na nagdedeklarang special non working holiday ang January 18 para sa lahat ng kasambahay, (Araw ng Kasambahay) lusot na sa Kamara.

— robert mano (@robertmanodzmm) March 13, 2018

Sa ilalim ng panukala, ituturing na special non-working holiday ang Enero 18 bilang paggunita na rin sa pagkakaladga sa Republic Act No. 10361 o Kasambahay Law noong 2013.

• Ano ang karapatan ng mga kasambahay?

Kung matapat ang Enero 18 sa weekend, itatakda ang pagdiriwang sa Biyernes ng linggong iyon.

Sa isang pahayag, sinabi ni House Majority Leader Rodolfo Fariñas, ang principal author ng panukala, na hindi maikakaila ang mahalagang papel na ginagampanan ng mga kasambahay.

"Domestic workers dedicate their efforts to promote the well-being of their employers (Inilalaan ng domestic workers ang kanilang panahon para tiyakin ang kapakanan ng kanilang mga amo)," ani Fariñas.

-- Ulat ni Robert Mano, ABS-CBN News