• EDSA ‘salubungan’ muling isinagawa
• Mga nag-aayuno sa People Power monument, umalma sa pagpapalipat
• Pangulong Duterte, may mensahe ukol sa demokrasya

Kinilala ang mga binansagang bagong bayani sa paggunita ng ika-32 anibersaryo ng EDSA People Power Revolution ngayong Linggo, Pebrero 25.

PANOORIN: Pagtanggap ni Captain Michael Asistores sa EDSA People Power Commision Award bilang pagkilala sa kontribusyon ng militar sa paglupig sa Maute sa Marawi #EDSA32 | via @arraperezDZMM pic.twitter.com/Dfm9qU5cmz

— DZMM TeleRadyo (@DZMMTeleRadyo) February 25, 2018

Kabilang sa mga kinilala ang hukbong sandatahan para sa kanilang pakikidigma kontra sa mga teroristang lumupig sa Marawi.

Tinanggap ni Captain Michael Asistores ang parangal na iginawad ng EDSA People Power Commission.

Pinarangalan din si PO3 Christopher Lalan, isa sa mga nakaligtas sa operasyon ng Special Action Force (SAF) sa Mamasapano sa Maguindanao noong 2015 na target ang international terrorist na si alyas “Marwan.”

Nasawi ang 44 na kasamahan ni Lalan sa naturang operasyon.

Tinanggap naman ng mga kaanak ng guwardiyang si Melvin Gaa ang posthumous na Spirit of EDSA Foundation and Good Citizenship Award.

Nasawi si Gaa habang inililigtas ang dose-dosenang indibidwal nang masunog ang isang mall sa Davao nitong Disyembre.

PANOORIN: Kaanak ni Melvin Gaa tinanggap ang posthumous award na Spirit of EDSA Foundation and Good Citizenship Award #EDSA32 | via @arraperezDZMM pic.twitter.com/msFG6Ua75p

— DZMM TeleRadyo (@DZMMTeleRadyo) February 25, 2018

Nasawi si Gaa kalaunan nang tangkaing magligtas pa ng ibang na-trap sa loob ng nasusunog na gusali.

Napabilang siya sa 38 pumanaw sa sunog.

• BALIKAN: Lalaking nagligtas ng 83, patay nang bumalik sa nasusunog na mall

Watch more in iWantv or TFC.tv

Iginawad naman ang People's Power Heroes Award kay dating Pangulong Ferdinand V. Ramos para sa kaniyang papel sa rebolusyon noong 1986 na tumapos sa 14 na taong diktadura ni dating Pangulong Ferdinand Marcos.

Nagsilbi si Ramos bilang Armed Forces vice chief of staff sa ilalim ni Marcos. Kasama ang noo’y si Defense Secretary Juan Ponce Enrile, pinangunahan ni Ramos ang mga sundalong bumaligtad sa administrasyong Marcos.

• FVR, guard, 2 pulis pinarangalan sa anibersaryo ng EDSA People Power

PANOORIN: Turnover ng People Power Monument mula sa pangangalaga ng Spirit of EDSA Foundation patungo sa NHCP #EDSA32 | via @arraperezDZMM pic.twitter.com/Oj8Li2dr0O

— DZMM TeleRadyo (@DZMMTeleRadyo) February 25, 2018

Kasabay ng seremonya, nag-turn over na rin ng pangangalaga ng People Power monument sa National Historical Commission of the Philippines mula sa Spirit of EDSA Foundation.

‘SALUBUNGAN’

Ang tema ng paggunita sa EDSA Revolution ngayong taon ay “EDSA 2018: Effecting Change towards strengthened Democracy.”

Bago ang commemorative program, isang misa ang idinaos para markahan ang ika-32 taon mula mula nang mapatalsik ng sambayanang Pilipino ang diktadurang Marcos.

Matapos ang misa, naging tampok sa programa ng EDSA People Power anniversary ang nakagawiang “Salubungan” o ang makasaysayang pagsasama ng militar at mga sibilyan sa mapayapang rebolusyon.

• Key players of EDSA People Power

Pinangunahan ni Ramos ang re-enactment nitong salubungan.

TINGNAN: NCRPO Director Oscar Albayalde at QCPD Director Guillermo Eleazar, dumalo sa paggunita ng #EDSA32 | via @arraperezDZMM pic.twitter.com/CfkRcEtYRd

— DZMM TeleRadyo (@DZMMTeleRadyo) February 25, 2018

Main program ng ika-32 anibersaryo ng EDSA People Power Revolution, nagsimula na. #EDSA32 | Ulat mula kay @arraperezDZMM pic.twitter.com/Qr7HQzpGMl

— DZMM TeleRadyo (@DZMMTeleRadyo) February 25, 2018

PANOORIN: 'Salubungan', nagsimula na #EDSA32 | via @arraperezDZMM pic.twitter.com/hzbjhaSkF9

— DZMM TeleRadyo (@DZMMTeleRadyo) February 25, 2018

PANOORIN: Pagsisimula ng 'Salubungan', inaantabayanan na ng mga militar at sibilyan, maging ng mga dumalong personalidad sa People Power Monument #EDSA32 | via @arraperezDZMM pic.twitter.com/X05Yq5uDdN

— DZMM TeleRadyo (@DZMMTeleRadyo) February 25, 2018

PANOORIN: 'Salubungan' sa #EDSA32 | via @arraperezDZMM pic.twitter.com/gnCeFQ7UAj

— DZMM TeleRadyo (@DZMMTeleRadyo) February 25, 2018

Tulad din ng kaniyang ginawa noong 1986, si Ramos ay muling tumalon sa paggunita ng tagumpay rebolusyon.

PANOORIN: Pagtalon ni ex-President Ramos sa kahabaan ng EDSA #EDSA32 | via @arraperezDZMM pic.twitter.com/qJPoMbFJIL

— DZMM TeleRadyo (@DZMMTeleRadyo) February 25, 2018

Nakihalubilo rin ang dating pangulo sa mga sibilyan at kinarga rin ang isang batang naroon sa okasyon.

PANOORIN: Umupo sa kahabaan ng EDSA si ex-President Ramos at kinarga ang isang bata #EDSA32 | via @arraperezDZMM pic.twitter.com/rsZgCufDSx

— DZMM TeleRadyo (@DZMMTeleRadyo) February 25, 2018

Nagsaboy rin ng confetti sa pagtatapos ng programa para sa paggunita ng EDSA People Power Revolution.

PANOORIN: Nagsaboy ng confetti sa EDSA bilang hudyat ng pagtatapos ng programa sa paggunita ng ika-32 EDSA People Power Revolution #EDSA32 | via @arraperezDZMM pic.twitter.com/k2feB3aWCc

— DZMM TeleRadyo (@DZMMTeleRadyo) February 25, 2018

REKLAMO NG MGA NAG-AAYUNO

Bago ang programa para sa anibersaryo, bahagya namang nagkaroon ng tensiyon nang palipatin ng puwesto ang grupong siyam na araw nang nag-aayuno sa People Power Monument.

PANOORIN: Nanindigan ang grupo ng mga nag-aayuno sa hindi sila aalis kanilang pwesto, taliwas sa pakiusap ng QCPD | via @arraperezDZMM pic.twitter.com/blaHebiRhx

— DZMM TeleRadyo (@DZMMTeleRadyo) February 24, 2018

Ayon sa isa sa mga nanguna sa pag-aayuno na si Fr. Robert Reyes, taliwas sa diwa ng EDSA ang aniya’y pagpapaalis sa kanilang grupo dahil sila’y “eye sore” at hindi dapat mapasama sa mga “bigating” personalidad na dadalo sa programa ng anibersaryo.

PANOORIN: Fr. Robert Reyes: Pagpapaalis sa mga nag-aayuno, taliwas sa diwa ng EDSA. Parang pangit kami (mga nag-aayuno), mga eye sore dahil darating ang mga 'big shot' | via @arraperezDZMM pic.twitter.com/rjcleJ6Vi9

— DZMM TeleRadyo (@DZMMTeleRadyo) February 24, 2018

Sa kabila ng kanilang pag-alma, binaklas pa rin ang tent ng mga nag-aayuno at inilipat sila sa tapat ng gate 4 ng Camp Aguinaldo.

TINGNAN: QCPD, sinimulan nang baklasin ang mga tarpaulin at mga tent ng mga nag-aayuno para pansamantala silang ilipat habang nagpapatuloy ang mga aktibidad para sa ika-32 anibersaryo ng EDSA People Power Revolution | via @arraperezDZMM pic.twitter.com/OnEqvKKHNe

— DZMM TeleRadyo (@DZMMTeleRadyo) February 24, 2018

Misa ng mga nagdadasal at nag-aayuno, nagsimula na matapos silang mailipat sa tapat ng Gate 4 ng Camp Aguinaldo. Ito na ang ika-9 na araw ng kanilang pag-aayuno sa pangunguna ni Fr. Robert Reyes. #EDSA32 | via @arraperezDZMM pic.twitter.com/Ta2r5BonqW

— DZMM TeleRadyo (@DZMMTeleRadyo) February 24, 2018

Bukod naman sa programa ng anibersaryo, nagsasagawa rin ng diskuwento caravan ang Department of Trade and Industry.

Mayroon ding libreng medical at dental services.

TINGNAN: Medical, dental, at optical mission at diskwento caravan, tampok sa ika-32 anibersaryo ng EDSA People Power Revolution | Ulat mula kay @arraperezDZMM #EDSA32 pic.twitter.com/FBde4F5028

— DZMM TeleRadyo (@DZMMTeleRadyo) February 24, 2018

May ilan namang nagtipon sa Quezon Avenue sa bahagi ng EDSA para kondenahin ang parehong liderato nina Pangulong Rodrigo Duterte at dating Pangulong Benigno Simeon “Noynoy” Aquino III.

TINGNAN: Mga militanteng kontra sa parehong administrasyong Duterte at Aquino, nagtipon-tipon sa Quezon Ave.-EDSA; tunay na pagbabago para sa mahihirap, iginiit | via @jeffreyhernaez pic.twitter.com/XfoQgdcC6X

— DZMM TeleRadyo (@DZMMTeleRadyo) February 25, 2018

Isang effigy ring may mukha nilang dalawa ang winasak ng mga nag-rally.

PANOORIN: 'Octopus' na may mukha ni Pangulong Duterte at dating Pangulong Aquino, winasak ng mga militante | via @jeffreyhernaez pic.twitter.com/3Mz3NMnIlV

— DZMM TeleRadyo (@DZMMTeleRadyo) February 25, 2018

Sa Mendiola naman nagmartsa ang iba’t ibang grupo para gunitain ang mga aktibistang pumanaw noong panahon ng batas militar ng rehimeng Marcos.

TINGNAN: Iba't- ibang grupo, nagtipon sa Mendiola para sa 'wreath-laying' at 'candle lighting' para sa mga martyr ng Martial Law | via @LyzaAquinoDZMM pic.twitter.com/AmKAjTXzE9

— DZMM TeleRadyo (@DZMMTeleRadyo) February 25, 2018

TINGNAN: Grupo ng magsasaka, nagtungo sa Mendiola upang isulong ang pagkakaroon ng rehabilitasyon sa aspeto ng pabahay at agrikultura sa Visayas | via @LyzaAquinoDZMM pic.twitter.com/QJVmbjzRbh

— DZMM TeleRadyo (@DZMMTeleRadyo) February 25, 2018

MENSAHE NI DUTERTE

Tulad noong nakaraang taon, hindi muli dumalo sa programa ng anibersaryo ng EDSA People Power si Pangulong Rodrigo Duterte.

Gayunman, sa isang mensahe, binigyang diin ni Duterte ang ambag ng mapayapang rebolusyon sa demokrasya sa bansa.

"Mahigit 3 dekada na ang nakalipas nang ipamalas natin sa buong mundo ang ating tapang at paninindigan na baguhin ang landas ng ating kasaysayan," ani Duterte sa kaniyang mensahe.

"[A]ng rebolusyon sa EDSA ang nagsilbing sagisag ng ating paninindigang ipaglaban ang tama at… ipagsanggalang ang ating malayang pamumuhay."

"Nawa ay pagkaisahin tayo ng okasyong ito… Pagyamanin pa natin ang ating demokrasya sa pamamagitan ng pagpapalakas sa ating mga mamamayan," anang pangulo.

• EDSA Revolution, simbolo ng paglaban para sa tama: Duterte

Nakiisa naman si Vice President Leni Robredo sa paggunita ng EDSA People Power Revolution sa Naga City.

Dumalo si Robredo sa St. Jude Thaddeus Parish Church sa Naga City para sa alas-8 misa nitong umaga ng Linggo.

Misa ito para sa paggunita ng ika-32 anibersaryo ng EDSA People Power Revolution.

Pinangunahan ni Caceres Archbishop Rolando Tria Tirona ang misa.

Sa kaniyang homiliya, binalikan ng arsobispo ang mga mahahalagang pangyayari noong mapayapang rebolusyon.

Hinikayat niya rin ang mga parokyano na paigtingin pa rin ang pagmamahal para sa lahat at sa bansa sa kabila ng aniya’y mga hadalang sa demokrasya ng bansa.

Nagsindi rin ng kandila at nag-alay ng panalangin para sa demokrasya ang mga nagsimbang kinatawan ng iba’t ibang sektor.

Sa mensahe naman ni Robredo, sinabi niyang dapat hindi lamang alalahanin ang mga nangyari noong EDSA People Power, dapat rin aniyang isapuso ang mga naging aral at leksiyon nito sa bawat Pilipino.

[PLEASE EMBED PHOTOS ATTACHED]

Pagkatapos ng misa pinangunahan rin ni Robredo ang pagpapalipad ng mga puting kalapati bilang simbolo ng kalayaan.-- Ulat nina Jervis Manahan, Arra Perez, Lyza Aquino, at Kate Delovieres, ABS-CBN News