Arestado ang 4 na indibidwal sa loob ng hinihinalang drug den sa Subic, kung saan may nakuhang humigit-kumulang P102,000 halaga ng hinihinalang shabu Biyernes ng gabi.

Kasunod ito ng entrapment operation na inilunsad ng mga operatiba ng PDEA Zambales at Zambales Police.

• Tinapay na may shabu tinangka ipuslit sa Davao City police station

Kinilala ng mga awtoridad ang mga suspek na sina alyas Virgilio, 58, at alyas Arvin, 52, na itinuturong nagme-maintain umano ng drug den.

Arestado rin sina alyas Richard, 38, at alyas Graciel, 33.

Nakuha sa sting operation ang 5 heat-sealed transparent plastic sachet na naglalaman ng humigit kumulang 15 gramo ng shabu na may halagang P102,000, sari-saring mga gamit sa droga, at ang buy-bust money.

Sasampahan ng kasong paglabag sa Comprehensive Dangerous Drugs Act of 2002 ang mga suspek.

• Lalaki arestado nang makuhanan ng droga, baril sa Pasig

KAUGNAY NA VIDEO

Watch more in iWantv or TFC.tv