PatrolPH

Tinapay na may shabu tinangka ipuslit sa Davao City police station

ABS-CBN News

Posted at Feb 12 2022 06:26 AM

Naaresto ang isang 27-anyos na babae matapos umanong magtangkang magpuslit ng hinihinalang shabu sa loob ng isang police station sa Davao City nitong Huwebes ng gabi.

Ayon sa pulisya, nadiskubre ang naturang ilegal na droga sa loob ng isang loaf bread na dala ng suspek. May timbang na 3 gramo at nagkakahalaga ng P48,000 ang kontrabando.

Ihahatid niya sana ito kasama ang mga personal na gamit sa kanyang kaibigang kasalukuyang nakakulong sa Mandug Police Station. 

 

May kasong pagbebenta ng ilegal na droga ang kaibigan ng suspek, ayon sa mga awtoridad.

Ayon sa Mandug Police Station, nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2002 ang naaresto.

— Ulat ni Hernel Tocmo

KAUGNAY NA BALITA 

Watch more News on iWantTFC
Bisitahin ang Patrol.PH para sa iba pang mga balita.