DAVAO CITY - Patay ang isang 10-taong gulang na lalaki matapos pagtatagain ng kapitbahay sa Barangay Tamugan, Marilog District sa Davao City.

Sa gilid ng kalsada sa Sitio Sto. Niño natagpuan ang bangkay ng bata na si Jaylord Doña Huwebes ng gabi.

• Lalaki patay matapos umanong tagain ng kapuwa inmate sa Aklan

Nagtamo ang bata ng dalawang sugat sa bandang ulo mula sa pananaga, base sa pagsusuri ng awtoridad.

Sa salaysay ng lolo ng biktima na si Leonardo Doña, nakita niya ang pangyayari at itinurong suspek ang kanilang kapitbahay na si Francisco Yap, 52.

Pinuntahan ng mga pulis ang lugar kung saan nagtatago ang suspek pero sa halip na sumuko, tinangka pa umano nitong sugurin at tagain si Police Staff Sergeant Gene Andal kaya siya nabaril.

Dead on arrival si Yap sa Isaac Robillo Hospital.

Nakitaan din umano ng hinihinalang marijuana si Yap sa bulsa ng kaniyang damit.

Patuloy pa ang isinasagawang imbestigasyon sa krimen.

RELATED VIDEO:

Watch more in iWantv or TFC.tv