MAYNILA -- Ang pagkakaroon ng katuwang sa buhay ang isa sa pinakamagandang naibigay ng vlogging para sa content creator na si Ninong Ry o Ryan Morales Reyes.

Sa naging pagbisita ni Reyes sa "Magandang Buhay," ibinahagi nito na malaki ang nabago sa kanyang buhay nang dumating ang partner na si Belle. 

"Una sa lahat bago ako maging vlogger, alam niyo naman kapag bata, mga 20s ganyan, ay poor pa ang decision making natin. So nagkaroon ako ng malaking utang na hindi ko alam kung paano ko babayaran. Naalala ko noon, sabi ko mabayaran ko lang itong utang sa kinikita ko sa social media, okay na ako, pwede na ako magpahinga, pwede na akong bumalik sa pagtitinda sa palengke.' Eh higit pa roon ang ibinigay sa akin," ani Reyes.

"Tapos ang pinakamalaking naidulot sa akin ng content creation ay ito ang naging dahilan para ma-meet ko ang aking partner," ani Reyes.

Kuwento ni Reyes, hindi naman siya aktibo sa paghahanap ng pag-ibig.

"Wala akong panahon sa mga ganyang bagay. Simpleng tao lang ako, marupok pala ako. Kapag may nag-message sa akin na babaeng kasing ganda niyan ay walang kalaban-laban. So gusto ko lang po sabihin na siya ang tumrabaho sa akin," biro pa ni Reyes.

Bago magtapos ang 2023 ay ibinahagi ni Reyes sa kanyang vlog ang pagbubuntis ni Belle. Sa ginanap na gender reveal, isang baby boy ang inaasahan nila.

Taong 2020 nagsimulang gumawa ng vlog si Reyes, graduate ng culinary De La Salle-College of St. Benilde.

NXT Profiles: Luto tayo kasama ang viral chef na si Ninong Ry

Ninong Ry recalls being a palengke vendor

Ninong Ry, ipinakita ang kanyang mobile kitchen

Kaugnay na video: