MAYNILA --- Balik-serye si John Wayne Sace bilang isa sa pinakabagong bituin ng "FPJ's Ang Probinsyano."

Nitong Lunes ng gabi, ipinakilala ang karakter ni Sace sa programa.

Watch more in iWantv or TFC.tv

Sa serye, nagbabakasyon ang karakter ni Sace kasama ang misis nito. Palaisipan naman kung sino ang kapatid ng karakter ng aktor na namatay.

Pangako ng karakter ni Sace, pagbabayarin niya ang taong pumatay sa kanyang kuya.

Nitong nakaraang buwan, sa pamamagitan ng vlog ni Ogie Diaz ay binalikan ni Sace ang masalimuot na pinagdaanan nang malulong siya sa ipinagbabawal na gamot, na naglagay sa kanya sa watchlist ng pulisya.

• John Wayne Sace, ikinuwento ang pagkalulong noon sa droga, karanasan sa kulungan

Bagama't mahirap, unti-unting pinilit ng aktor na makawala sa bisyo, kabilang na ang pag-iwas sa ilang mga kaibigan dahil alam niyang mahina siya sa temptasyon.

• John Wayne Sace, umaming dating nagdroga

Naging motibasyon din ni Sace ang mga anak upang magsumikap na maitigil ang masamang gawi.

• Ex-teen star John Wayne Sace shot, was in drug watch list

Napanood si Sace sa iba’t ibang palabas sa ABS-CBN kabilang na ang “Wansapanataym”, “May Bukas Pa,” “Guns and Roses,” at “Forevermore.”

Kinilala din ang husay ng aktor sa Metro Manila Film Festival noong 2002 sa pelikulang “Dekada ‘70.”