Watch more in iWantv or TFC.tv

Nagbunga ang pagtutulungan ng mga celebrity housemate sa loob ng Bahay ni Kuya matapos mapagtagumpayan ang kanilang unang weekly task sa “Pinoy Big Brother: Kumunity Season 10.”

Nagawang maibenta ng mga housemates ang lahat ng 500 items na ipinabebenta ni Big Brother sa streaming app na Kumu.

Sa pangunguna ng viral online seller na si Madam Inutz at komedyanteng si Brenda Mage, nabayaran lahat ng ibinentang items online na umabot sa kabuuang halaga na P21,740.

• Chie Filomeno enters 'PBB'; Kyle Echarri finally meets housemates

Kinakabahan pa sa simula ang mga housemates dahil idinaan ni Kuya sa ilang anunsyo ang pagbibigay ng update sa mga nabiling items.

• WATCH: Kyle Echarri enters ‘Pinoy Big Brother’ as celebrity housemate

Unang update ay nasa 247 na items pa lamang ang nabayaran ng mga nag-mine na nadagdagan lamang ng 2 sa ika-2 update (249).

Lalong kinabahan ang mga celebrity housemate habang naghahanda ng pagkain ngunit muling nabuhayan nang umakyat sa 361 items ang bilang ng naibenta. Sa ikaapat na anunsyo, nasa 473 ang sold items.

Dito na nagtipon-tipon ang lahat sa harap ng telebisyon upang antabayan ang huling update na magsasabi kung nagawa ba nilang maabot ang 500 items na quota.

Sa huli, tagumpay ang mga ito dahil nabayaran ang lahat ng kanilang itininda sa Kumu.

“Mahirap po pala maging leader kasi meron pong kaniya-kaniyang opinyon ang bawat isa,” saad ng team leader na si Madam Inutz.

• 1 on 1: How ‘PBB’ changed Gino Roque’s life

“Di porket ikaw ang leader ilalagay mo batas sa kamay mo, so dapat makinig ka rin,” pahabol naman ni Brenda.