MAYNILA -- Kasunod ng pagpanaw ng beteranong aktor na si Lito Legaspi, isang maramdaming pag-alala naman ang ibinahagi ng kanyang anak na si Kier Legaspi.

Sa isang Instagram video, ibinahagi ni Kier ang kanyang mensahe para sa namayapang ama.

View this post on Instagram

A post shared by ~ cняιsтσρнεя кιεя ℓεgαsρι ~ (@kier_legaspi) on Sep 10, 2019 at 3:23am PDT

"Pa, thank you very much. Alam ko minsan or madalas, hindi tayo nagkakaintinidhan. Pero natutuwa ako dahil kahit hindi tayo nagkakaintindihan, mayroong Diyos na pumapagitna sa atin," ani Kier.

"Dahil kung kaunawaan mo Pa, kaunawan ko, pareho tayong tao, hindi tayo perfect. So hindi tayo magkakaintindihan. Pero kung Diyos ang nasa gitna, mangyayari’t mangyayari pag ipinagkaloob niya."

Si Lito ang ama nina Zoren at Kier Legaspi.

Taong 1959 nang nagsimula sa pag-arte si Lito na nakilala bilang matinee idol ng Sampaguita Pictures. Naging bahagi pa siya ng Kapamilya teleserye na "FPJ's Ang Probinsyano" noong 2017.