MAYNILA -- Nagbigay saloobin ang aktor na si Matteo Guidicelli sa baliatang siya ang bagong napipisil na kapalit ni James Reid sa inaabangang pelikulang "Pedro Penduko."

Kasunod ito ng naging desisyon ni Reid na bitiwan na ang proyekto dahil sa natamong injury sa kalagitnaan ng training para sa pelikula.

"It will be a great project, of course. This is a superhero in the Philippines na talagang bigating superhero. I’ll be open to do a project like this," sabi pa ni Matteo sa panayam ng ABS-CBN News sa unang araw ng VIVA Convention nitong Sabado.

Dahil sa kanyang pinagdaanan na military training, tila perfect choice na umano ang aktor na gampanan ang role ni Pedro Penduko na isa sa mga proyekto ng Epik Studios.

• ‘Pedro Penduko’ to kick-start cinematic universe of Pinoy mythological heroes

Kung matutuloy umano ito, nais niya na dumaan sa tamang training para sa proyekto.

"I’ll be very, very happy to portray Pedro Penduko pero siyempre kailangan pa din ng training dahil iba 'yung characteristics na meron si Pedro Penduko. It's Kali (Filipino martial arts), it would be nice if I represent Filipino martial arts," aniya.

Pero paglilinaw ng aktor: "Wala pa. We're going through different meetings pa, let's see for the confirmation. If ever, that would be good project and a big blessing."

• James Reid, may panghihinayang ba sa pagbitiw sa Pedro Penduko?