MAYNILA - Itinanghal ngayong Linggo nina Darren Espanto at Morisette Amon ang kanilang mga bagong kanta sa "ASAP Natin 'To."

Hataw si Espanto sa pagkanta at pagsayaw ng bago niyang single na "Tama Na," na inilabas noong Biyernes.

Watch more in iWantv or TFC.tv

Tinatalakay ng "Tama Na" ang pag-alis sa isang toxic relationship.

• Darren Espanto releases new single ‘Tama Na’ ahead of concert

Inilabas ni Espanto ang kanta bago ang kaniyang online concert na "Home Run" sa Hunyo 19.

Samantala, inawit naman ni Amon ang kaniyang version ng '90s OPM hit na "Shine," na inilabas niya noong Mayo 21.

Watch more in iWantv or TFC.tv

Kinanta ni Amon ang "Shine" sa "ASAP" para sa birthday number niya. Ipagdiriwang ng binansagang "Asia's Phoenix" ang kaniyang ika-25 kaarawan sa Hunyo 2.

Ni-record ni Amon ang "Shine," na likha ng kilalang songwriter na si Trina Belamide, para na rin sa ika-25 anibersaryo ng kanta.

• Morissette releases new version of OPM hit 'Shine'

Nakatakdang ilabas ang music video ng "Shine" sa YouTube channel ni Amon ngayong alas-6 ng gabi ng Linggo.

Mapapanood ang "ASAP Natin 'To" tuwing Linggo sa Kapamilya Channel (cable), A2Z Channel 11 (free TV), TV5 (free TV at cable), Kapamilya Online Live (free live streaming), iWantTFC (on-demand streaming), at TFC (overseas subscription).