Watch more in iWantv or TFC.tv

MAYNILA—Namumuro ang dagdag-singil sa langis na posibleng umabot ng P1.50 kada litro sa susunod na linggo, ayon sa mga taga-industriya.

Inaasahang taas-presyo sa petrolyo:

• Gasolina P1.30-P1.40/litro
• Diesel P1.40-P1.50/litro
• Kerosene P1.40-P1.50/litro

Maglalaro sa P1.30 hanggang P1.40 ang inaasahang taas-presyo ng gasolina, at P1.40 hanggang P1.50 dagdag-singil naman ang inaasahan sa kada litro ng diesel at kerosene.

• LPG price spikes to highest in 5 years, up around P66 per 11-kg tank by October
• Mga tsuper, carinderia owners umaaray sa October oil, LPG hike

Ito na ang ika-7 sunod na linggong may oil price hike.

Paliwanag ng mga taga-industriya, maliit lang ang napagkasunduang dagdag-produksyon ng langis ng OPEC kaya malaki pa rin ang kakulangan ng suplay ng langis sa buong mundo.

Kung hindi pa bahagyang lumakas ang palitan ng piso sa dolyar, masmalaki pa raw ang magiging dagdag-presyo sa susunod na linggo.

Pupulungin naman ng Department of Energy ang oil companies sa Lunes para mapag-usapan kung ano ang magiging tulong sa mga motorista at mga pampublikong sasakyan. — Ulat ni Alvin Elchico, ABS-CBN News