PatrolPH

Oil companies nag-anunsiyo ng taas-presyo simula Setyembre 7

ABS-CBN News

Posted at Sep 06 2021 02:25 PM

May ika-2 sunod na oil price hike na sasalubong sa mga motorista sa Martes, anunsiyo ng ilang oil price companies. 

Ang Shell at Seaoil, magkakaroon ng P0.50 kada litrong taas-presyo sa gasolina, P0.60 taas-presyo sa kada litro ng kerosene, at P0.95 taas-presyo sa kada litro ng diesel na aarangkada alas-6 ng umaga ng Martes. 

Ang Caltex naman ay magkakaroon ng P0.50 taas-presyo sa platinum at silver fuel; P0.95 kada litrong taas-presyo sa diesel at P0.60 kada litrong taas-presyo sa kerosene pagdating ng alas-12:01 ng madaling araw ng Martes. 

Magkakaroon naman ng P0.95 pagtaas sa presyo ng kada litro ng diesel at P0.50 kada litrong taas-presyo sa gasolina ang Petro Gazz at Cleanfuel. 

Nauna nang ipinaliwanag na epekto ito ng hurricane na tumama sa ilang lugar sa Estados Unidos, na nagresulta sa paghina ng suplay dahil nasapul ng matinding pagbaha at hangin ang ilang oil refinery.

-- Ulat ni Alvin Elchico, ABS-CBN News 

Bisitahin ang Patrol.PH para sa iba pang mga balita.