Watch more in iWantv or TFC.tv

Nagulantang at nalungkot ang mga Pilipino sa Kuwait matapos ideklara ng Ministry of Foreign Affairs na "persona non grata" si Philippine Ambassador to Kuwait Renato Pedro Villa.

• PH ambassador, in-expel ng Kuwait; envoy ng Kuwait sa Pinas, pinauuwi

Binibigyan na lang ng isang linggo si Villa para lisanin ang Kuwait dahil sa kontrobersiyal na pag-rescue ng distressed overseas Filipino workers (OFW) na walang kasamang lokal na awtoridad.

• PH envoy summoned over video showing extraction of maids from Kuwaiti homes

Ilang mga Pilipino ang nagpahayag ng pangamba sa maaaring maging epekto nito sa higit 250,000 OFW sa Kuwait, 160,000 dito ang nagtatrabaho bilang household service workers (HSWs).

Bukod pa riyan, may 800 distressed OFWs pa ang namamalagi sa shelter ng embassy at naghihintay ng kanilang repatriation.

Giit nila, baka maapektuhan ang operasyon at pag-usad ng mga trabaho sa embahada kapag umalis na si Villa.

Sinikap ng ABS-CBN News na hingan ng pahayag si Villa pero tumanggi na itong magsalita alinsunod sa utos ng Department of Foreign Affairs (DFA).

Sa ngayon, naghahanda na siya para sa kaniyang pag-uwi sa Pilipinas.

Hinihintay rin ng mga Pinoy sa Kuwait ang magiging pahayag ni Pangulong Rodrigo Duterte hinggil sa mga bagong kaganapan dito.

• Pilipinas, nag-sorry sa Kuwait rescue ng OFWs

Nauna nang naglabas ng pahayag ang DFA na sinasabing "nakababahala" ang naging aksiyon ng Kuwait laban kay Villa.

• Kuwait’s expulsion of PH envoy ‘deeply disturbing,’ ‘inconsistent’: DFA

--Ulat ni Maxxy Santiago, ABS-CBN Middle East News Bureau