MANILA - Pinalubog ng abot-dibdib na pagbaha ang ilang bahagi ng lalawigan ng Rizal sa gitna ng malakas na pag-ulan, Miyerkoles.

Sa mga larawang kuha ni Bayan Patroller Anabelle Descalzo, makikitang umabot hanggang dibdib ang baha sa Village East, Cainta sa Rizal.

Ani Descalzo, tumaas ang tubig dakong alas-3 ng madaling-araw. Nagsimula na aniya itong humupa nang tumigil ang pag-ulan alas-8 ng umaga.

Narito ang iba pang larawan ng pagbaha sa Rizal na nakalap ng ABS-CBN News:

Itinutulak ng ilang lalaki ang isang tricycle na tumirik dahil sa baha sa Inarawan, Antipolo. Bayan Patroller Edwin Ramos

Makikita din sa larawan ni Bayan Patroller Jeryl Varquez ang abot-bewang na baha sa kanilang lugar sa Brgy Sta. Ana, Taytay, Rizal ala-7 ng umaga.

Makikita rin sa mga larawan na ipinadala ni Bayan Patroller Mark Gomez ang pagbaha sa Gruar Phase 1, Cainta Rizal pasado alas-10 ng umaga.

Makikita rin sa larawan ni Bayan Patroller Jeryl Varquez ang abot-baywang na baha sa kanilang lugar sa Brgy Sta. Ana, Taytay, Rizal ala-7 ng umaga.

Makikita rin sa mga larawan na ipinadala ni Bayan Patroller Mark Gomez ang pagbaha sa Gruar Phase 1,Cainta Rizal pasado alas-10 ng umaga.

Nakahinto ang ilang sasakyan dulot ng mataas na baha sa Brgy. Inarawan, Antipolo City, pasado alas-7 ng umaga. Bayan Patroller Edwin Ramos

Sinuong ng ilang sasakyan ang baha sa Brgy. Inarawan, Antipolo City pasado alas-7 ng umaga. Bayan Patroller Edwin Ramos

Una nang sinabi ng state weather bureau PAGASA na isang bagyo sa labas ng Philippine area of responsibility ang nagpapalakas sa habagat, na siyang nagdadala ng mga pag-ulan sa malaking bahagi ng bansa.

• PAGASA: Bagyong 'Noru' pinalalakas ang habagat; mga pag-ulan asahan

Ilang bayan na ang nagkansela ng klase dahil sa sama ng panahon. Para sa kumpletong listahan ng mga class suspension, basahin ito:

• #WalangPasok: Suspensiyon ng klase sa Miyerkoles, Agosto 2

Bisatahin naman ang ABS-CBN Weather Center para sa mga pinakabagong ulat-panahon.