Source: Sa botong 8-6, motion for reconsideration ni dating CJ Maria Lourdes Sereno, pinal nang ibinasura ng SC.

— Johnson L. Manabat (@JohnsonManabat) June 19, 2018

Pinal na ang pagkakasibak ni Maria Lourdes Sereno bilang punong mahistrado matapos ibasura ng Korte Suprema ang kaniyang motion for reconsideration (MR) laban sa desisyon ng en banc sa quo warranto petition.

• ALAMIN: Mga bagong argumento sa isinumiteng apela ni Sereno sa SC

Ayon sa mga source ng ABS-CBN News, walong mahistrado ang nagbasura sa MR ni Sereno habang anim lang ang nagsabing dapat itong pagbigyan.

Watch more in iWantv or TFC.tv

Dagdag pa ng mga source, ibinasura ang MR sa kadahilanang wala itong sapat na merito.

Matatandaang napatalsik si Sereno bilang chief justice noong Mayo 11.

• Sereno, talsik sa Korte Suprema dahil sa 8-6 boto para sa quo warranto

Bunsod ito ng kasong isinampa ng Office of the Solicitor General (OSG) na kumukuwestiyon sa kaniyang integridad na pamunuan ang hudikatura.

Ayon sa OSG, hindi dapat natalaga si Sereno sa Supreme Court dahil kulang ang ipinasa nitong mga Statement of Assets, Liabilities, and Net worth (SALN).

Source: No further pleadings to be entertained in Sereno QW case; Judicial and Bar Council ordered to open process of applications for CJ

— Ina Reformina (@InaReformina) June 19, 2018

Dagdag naman ng mga source, inatasan na ng SC ang Judicial and Bar Council (JBC) na buksan ang aplikasyon sa bakanteng posisyon ng chief justice.

-- Ulat nina Johnson Manabat at Ina Reformina, ABS-CBN News