AHHHHHH! We are soooo happy to have @tellemjaye as our winner for this year's @MTVEMA​ 2017 Best SEA Act! Here's what he has to say to all his fans! 😍 Hit https://t.co/JYCXWaxWGI for more #MTVEMA updates coming your way! pic.twitter.com/tsLLu2NSQh

— MTV Asia (@mtvasia) November 12, 2017

Nagwagi si James Reid bilang Best Southeast Asia Act sa 2017 MTV Europe Music Awards na idinaos sa London.

Hindi nakapunta si James sa United Kingdom upang personal na tanggapin ang award dahil may pagtatanghal siya sa Pangasinan.

Nasa entablado umano si James nang malaman ang pagkapanalo kaya sa Twitter na lang siya nagpaabot ng pasasalamat.

From the bottom of my heart, thank you ❤️

— James Reid (@tellemjaye) November 12, 2017

Tinalo ni James ang anim na iba pang nominado mula sa mga bansang Malaysia, Vietnam, Indonesia, Thailand at Singapore.

Sa kaniyang video message para sa MTV, sinabi ni James na karangalan niyang maging kinatawan sa Pilipinas sa nasabing awards show.

"It is such an honor to be representing the Philippines and with this recognition, I will keep on making music and bring the Philippines to the world stage," ani James.

Pinasalamatan din nito ang fans ng 'Jadine' na tambalan nila ng nobyang si Nadine Lustre.

Noong 2015 nang unang ma-nominate si James sa MTV Europe Music Awards sa kaparehong kategorya, kasama si Nadine.

Abala sa pelikula

Bukod sa musika, sabik na rin si James na mapanood sa mga fans ang pelikula nila ni Sarah Geronimo.

Bida sina James at Sarah sa Pilipinong bersiyon ng 2014 Korean film na 'Miss Granny'.

Abala rin ang aktor sa pagsasanay niya para sa pelikulang 'Pedro Penduko' na nakatakdang ipalabas sa 2018.

Kamakailan, ibinahagi rin ni James na maglalabas ito ng music video na ididirek ni Nadine.

Ayon kay James, masaya siyang makasama si Nadine sa halos lahat ng kaniyang mga proyekto.

-- Ulat ni Gretchen Fullido, ABS-CBN News