Umamin ang social media personality na si Xander Ford na siya ang namintas kay Kathryn Bernardo sa isang kontrobersyal na viral video.

Martes ng gabi, inako ni Xander ang responsibilidad nang aminin nitong siya ang lalaki sa video na pumuna sa umano'y pagiging "sakang" ng aktres.

Una nang itinanggi ng kampo ni Xander na siya ang nasa kumalat na recording.

Abot-abot din ang kaniyang paghingi ng tawad kay Kathryn.

Naging emosyonal si Xander sa kaniyang pagbunyag na dumaan siya sa depresyon dahil sa mga buwelta sa kaniya sa social media.

Bukod kasi sa mga pagbabanta sa kaniyang buhay, masakit umano ang mga patama sa kaniya ng ilang nasa industriya.

Lesson Learned. Ugaliin ang magsalita ng maganda sa kapwa . Matutong harapin ang pagkakamali at humingi ng tawad.

— karla estrada (@Estrada21Karla) October 14, 2017

can they also do something with his heart and mind? maybe the doctors can change it also. attitude is still sharp.

— Sofia Andres (@iamsofiaandres) October 14, 2017

Just because you’ve overcome your battles doesn’t mean you have a right to bash others. Remember when you yourself were there? https://t.co/PWZ9TSyxsH

— Gretchen Ho (@gretchenho) October 15, 2017

Umapela si Xander na huwag na siyang husgahan sa mga pagkakamali niya dahil nagbabagong buhay na siya.

Nauna ng iginiit ni Kathryn na ang mga panlalait ay may itinuturong leksyon sa bawat tao.

A post shared by Kathryn Bernardo 🐘 (@bernardokath) on Oct 13, 2017 at 9:30pm PDT

Sa harap ng mga bantang mayroon pang mga video na ibabahagi laban sa kaniya, nakikipag-ugnayan na ang kampo ni Xander sa National Bureau of Investigation (NBI) para matugis ang mga nasa likod ng pag-upload ng video.

-- Ulat ni Mario Dumaual, ABS-CBN News