Napuno ang taong ito ng mga kuwento at pangyayaring umagaw sa atensiyon at pumukaw sa damdamin nating mga Pilipino.

Ilan sa mga naging laman ng balita ngayong 2021 ang patuloy na pagbabantay sa COVID-19, mga isyu sa pulitika, at mga kalamidad na tumama sa Pilipinas. Hindi rin pahuhuli ang mga kuwentong kapupulutan ng inspirasyon gaya ng pag-usbong ng mga community pantry sa iba't ibang lugar sa bansa at ang maipagmamalaking panalo ng mga atleta natin sa Tokyo Olympics.

Balikan ang mga ito at iba pang mga balitang yumanig, umantig, at nagmulat sa atin ngayong 2021 sa special ABS-CBN yearend documentary na “Sa Likod ng Balita.”