Sugatan ang isang driver ng kotse ng banggain nito ang isa ring kotse sa Quezon City.

Nasugatan sa kamay at tuhod ang isang driver ng kotse matapos na banggain nito ang isang SUV.

Nangyari ang aksidente sa bahagi ng Quezon Avenue corner Examiner Street sa Quezon City.

Galing sa Quezon Avenue ang bumanggang sasakyan na dere-deretso ang takbo kahit naka red ang traffic light.

Kwento ng mga nakakita, umikot pa ng dalawang beses ang kotse sa lakas ng pagkakabangga dito, natanggal ang gulong at tumilapon ng isang daang metro.

Ayon sa biktima, papatawid na siya ng Examiner Street ng biglang banggain ng humaharurot na kotse.

Nawalan pa umano ng malay ang driver ng bumanggang kotse.

Nang tanungin niya kung nakainom, hindi naman daw ito nakainom.

Pero ayon sa nagrespondeng medic ng MMDA, inamin ng driver na nakainom siya.

Nagtamo ng sugat sa kamay ang driver ng SUV pero laking pasasalamat at ligtas ito.

Inaalam pa rin kung magsasampa ng kaso ang biktima lalot nagtamo ng pinsala ang sasakyan nito.

Wasak naman ang harapan at nawasak ang windshield ng kotse.

Tumanggi nang magbigay ng pahayag ang nakabanggang driver.