Yero para sa mga nasirang bahay, target ipamahagi ng Catanduanes

ABS-CBN News

Posted at Dec 10 2020 11:37 AM

Watch more on iWantTFC

MAYNILA - Nakatakdang magpamigay ang lalawigan ng Catanduanes ng mga materyales sa pagpapakumpuni sa mga bahay na nasira ng bagyo.

“Baka in two weeks time dumating na yung yerong binili nating worth P18 million,” pahayag ni Catanduanes Gov. Joseph Cua.

Sa panayam sa TeleRadyo, sinabi ni Cua agad nilang ipapamahagi ang mga yero na kailangan ng mga binagyong residente kung saan ang bilang ng totally damaged houses ay nasa 14,000.

“Baka 10 bawat bahay, depende po sa kalagayan. Di naman lahat kayang bigyan pero 'yung iba naman may nagbigayan na rin siguro magre-reassess tayo,” sabi niya.

Watch more in iWantv or TFC.tv

Patuloy aniya ang pagre-reassess nila kung sino pa ang mga nawalan bahay.

“Nagko-coordinate tayo sa mayors ngayon para ‘di ma-duplicate yung programa natin,” sabi niya.

Tuloy din aniya ang kanilang relief operations sa mga nasalantang mga residente.

- TeleRadyo 10 Disyembre 2020