Himalang buhay at galos lang ang tinamo ng pahinante ng 14-wheeler truck matapos bumaliktad sa kahabaan ng Sumulong Highway, Barangay Mambugan, Antipolo City Miyerkoles ng gabi.

Ayon sa salaysay ng drayber ng trak, hindi siya inaantok o nakainom sa pagmamaneho.

Nakalas ang kadena ng dala-dala nilang backhoe at sumalpok ang mimamaneho niyang trak sa mga concrete fences ng isang food park.

Inabutan pa ng news team na nagkalat ang mga basag na salamin ng truck at iba pang mga parte nito.

Halos mabuwal din ang isang poste dahil sa impact ng pagbangga ng truck.

Ayon sa mga rumespondeng medic ng Barangay Mambugan, nagulat na lamang sila ng may marinig na malakas na kalabog sa labas ng barangay hall.

Nang nilapitan nila ang bumaliktad na truck ay nakita nila ang pahinante na naipit sa loob.

Agad nilang sinaklolohan ang lalaki at binigyan ng paunang lunas.

Galos lang ang tinamo ng biktima at sumakit ang kanyang likod.

Maayos naman ang kundisyon ng driver ng truck.

Humambalang din ang kalahating bahagi ng ng truck sa kalsada at naharangan ang daanan papuntang Quezon City.

Aminado ang mga rumespondemg medic na accident prone area itong lugar.

Galing Dipolog City pa ang sangkot na trak at ayon sa driver ay pabalik na sana sila sa Cagayan Valley.