Hindi pa matukoy ng operatiba ng Station 3 ng Quezon City Police ang motibo sa pamamaril sa isang 63 anyos na lalaki sa loob mismo ng inuupahan nitong bahay sa Barangay Baesa Sa Quezon City.

Pasado alas-4 ng pagbabarilin ang biktima.

Ayon sa Chief tanod ng barangay na si Ronald Williams, isang concerned citizen ang nagpaabot sa kanila ng impormayon na may binaril na loob ng bahay.

Apat na putok ang narinig ng mga residente malapit sa bahay kung saan pinaslang ang biktima.

May nakita pa umanong dalawang lalaki na agad lumabas ng bahay ng biktima at sumakay ng motorsiklo.

Walang CCTV malapit sa pinangyarihan ng krimen. Nagtamo ng mga tama ng bala sa ulo ang biktima.

Nangungupahan lang ang biktima na magdadalawang taon na rin sa barangay.

Nobyembre 12 naaresto ang anak nitong lalaki dahil sa ilegal na droga, kaya duda ng mga taga barangay posibleng may kinalaman sa droga ang pamamaslang sa biktima.

Pero ayon sa pulisya, patuloy pa ang ginagawa nilang imbestigasyon para matukoy ang motibo at posibleng may kagagawan sa krimen.