MAYNILA — Pinangunahan ng kontrobersyal na pulis na si Maj. Gen. Debold Sinas ang ilang opisyal sa pag-eehersisyo habang naka-upo ngayong Lunes.

Sa kumpas ng theme song ng anime na Voltes V, nanguna ang dating Metro Manila police chief sa isang 4-minute exercise routine sa Camp Bagong Diwa bilang daily physical fitness initiative ng National Capital Region Police Office.

Napili si Sinas bilang bagong pinuno ng Philippine National Police, sinabi ng Malacañang ngayong Lunes.

Magiging epektibo na ang kanyang appointment simula Martes, ayon kay Presidential Spokesperson Harry Roque.

Nitong Mayo, inulan ng batikos si Sinas dahil sa kanyang nilunsad na mañanita sa Camp Bagong Diwa sa Taguig na lumabag umano sa quarantine protocols.

Watch more in iWantv or TFC.tv

• Police official's lockdown party a 'big no-no': DILG

Tugon ng opisyal sa publiko na mag-move on na umano sa kanyang kinasasangkutan na kontrobersya at pinasalamatan ang pangulo sa pagdepensa sa kanya.

• Sinas tells critics to 'move on' from mañanita controversy, thanks Duterte for defending him

Ulo rin ng mga balita si Sinas matapos ang kanyang viral na komprontasyon sa pamilya ng isang retiradong opisyal na kanyang pinalalayas sa isang government compound sa Taguig.

Papalitan ni Sinas si Gen. Camilo Cascolan, na aabot na sa mandatory retirement age na 56 para sa uniformed personnel ngayong Martes.

—May ulat nina Jamaine Punzalan at Anjo Bagaoisan, ABS-CBN News

Watch more in iWantv or TFC.tv