MAYNILA—Kailangan nang iparehistro ng mga gumagamit ng cellphone ang kanilang SIM card matapos pirmahan ni Pangulong Ferdinand "Bongbong" Marcos Jr. ang ang SIM Card Registration Act nitong Lunes.

Ayon kay Art Samaniego Jr., tech editor ng Manila Bulletin, hindi nito mapipigil ang scam at spam ngunit natutulungan nito na mabawasan ang problema ng scamming and spamming.

Mayroon naming magiging lead kung sakaling magkaroon ng scam o krimen gamit ang SIM cards, aniya.

Ayon kay Samaniego, sa 784 milyong blocked text scams, lahat ay prepaid SIMs.

Aniya, binibigyan ng sapat na panahon ng DICT ang mga telco upang maghanda sa rehistrasyon ng mga SIM Card ngayon na nasaibatas na ito.

Nasa 161 na umano ang mga bansang may SIM Card Registration Act, kasama na ang Pilipinas.

• Marcos signs SIM registration law amid proliferation of text scams

Ayon naman kay Abe Olandres, Founder and Editor-In-Chief ng Yugatech, kung mapapaliit ang dami ng subscribers ay mapapaliit rin ang dami ng kumakalat na text scams.

Inirerekomenda na ang 60 milyong registered GCash users ay pwede nang marehistro sa SIM Card Registration Act, gayon din ang mga post-paid users.

Pero logistical problem umano para sa mga telco na maabot ang mga malalayong lugar upang makapagrehistro ng kanilang SIM.—SRO, TeleRadyo, Okt. 10, 2022