Bilang panangga sa mga bagyo, Sierra Madre dapat pangalagaan — eksperto

MAYNILA—Malaking tulong ang naibigay ng Sierra Madre mountain range sa paghina ng Bagyong Karding noong tumama ito sa central Luzon noong Linggo, ayon sa isang opisyal.

Ayon kay PAGASA administrator Vicente Malano, kahit di pangkaraniwan ang nangyari sa paglakas ng bagyo, napahina ito ng Sierra Madre nang dumaan ito sa bulubundukin. 

Aniya, pangalagaan dapat ang kabundukan at mga puno sa Sierra Madre, na malaking tulong bilang pananggalang sa malalakas na bagyo.

Kahit napahina ng bulubundukin ang bagyo, libo-libong bahay ang nawasak matapos daanan ni Karding ang bayan ng Dingalan sa Aurora kung saan nag-second landfall ito.—SRO, TeleRadyo, Sept. 27, 2022

• Libo-libong bahay sa Dingalan, Aurora nawasak ng 'Karding'