Mga ospital sa Calabarzon, puno na rin

ABS-CBN News

Posted at Apr 06 2021 12:01 PM

Watch more in iWantTFC

MAYNILA - Puno na rin ang mga ospital sa Calabarzon dahil sa patuloy na pagtaas ng kaso sa rehiyon at Metro Manila.

Sinimulan na ng DOH ang pagtatayo ng tent wards at tent ICU sa mga government hospital upang solusyonan ang punuan na isolation facilities sa Calabarzon. Nasa 15,000 ang aktibong kaso sa rehiyon.

Sa kabuuan, 18 tent ang itatayo na kayang magaccommodate ng 100 pasyente.

Nasa 10 hanggang 15 porsyento ng pasyente sa Calabarzon ay galing sa Metro Manila, ayon kay Eduardo Janairo, regional director ng Department of Health-Calabarzon.

Ang Medical City South Luzon, nagdeploy ng isang van na magsisilbing mobile clinic at magtutungo sa mga barangay para sa COVID-19 patients na asymptomatic at naka-home quarantine.

Payo ng mga awtoridad, makipagugnayan sa lokal na gobyerno para makatiyak na may bakante pa sa mga ospital.

Balik-trabaho na rin si Sta. Rosa, Laguna Mayor Arlene Arcillas matapos magpositibo sa COVID-19.

--Ulat ni Dennis Datu, ABS-CBN News

Bisitahin ang Patrol.PH para sa iba pang mga balita.