Lola na nalabanan ang COVID-19, pinalakpakan sa ospital sa Laguna

ABS-CBN News

Posted at Mar 30 2020 05:59 PM

Watch also in iWant or TFC.tv

MANILA - Pinalakpakan ng mga health workers sa Unihealth Southwoods Hospital and Medical Center sa Biñan City, Laguna ang isang matandang pasyente na naka-recover mula sa coronavirus disease 2019 (COVID-19).

Sa isang video na pinost ni Jade Canoy Dingson noong Linggo, makikita na masayang kumakaway at nagpapaalam ang pasyente sa mga health worker na kumalinga sa kaniya bago siya ma-discharge mula sa naturang ospital.

Nakalabas sa ospital ang 'di pinangalanang pasyente matapos nitong makakuha ng 2 negative tests ilang araw matapos magpositibo sa COVID-19.

Sa huling tala ng Department of Health, sa 1,546 na pasyente sa Pilipinas ang nagpositibo sa COVID-19, 78 ang namatay habang 42 naman ang gumaling.

Ayon sa mga eksperto, mga senior citizen at mga pasyenteng may ibang komplikasyon sa kalusugan ang karaniwang namamatay sa sakit na nagmula sa Wuhan, China.

Bisitahin ang Patrol.PH para sa iba pang mga balita.