UNICEF: 74% ng mga batang Pilipino ay mas nakakakain ng junk foods kaysa mga gulay at prutas

Ayon sa bagong pag-aaral ng UNICEF, 74-percent ng mga kabataan sa Pilipinas ay mas nakakakain ng junk foods o yung maaalat, matataba, at masyadong matatamis na pagkain… kaysa sa gulay at prutas.

Sabi sa report, habang kumokonti yung serving ng gulay na nakakain ng karamihan sa mga trese hanggang kinse anyos na bata ngayon, nakakainom sila ng hindi bababa sa isang bote ng softdrinks.

Sa pamamagitan ng pag-aaral na ito, layon ng UNICEF na makatulong sa pamahalaan sa pagbalangkas ng mga polisiyang maghahatid ng mas masustansiyang mga pagkain sa bawat bata at pamilya.