Kahit ilang araw pa ang Araw ng mga Puso, sabik na ang mga nagtitinda ng bulaklak sa Dangwa sa Maynila lalo na’t itong Feb-Ibig ay nagiging malakas ang kanilang negosyo.

Ayon sa mga nagtitinda, unti-unti na rin tumataas ang bigay sa kanila ng kanilang supplier ng bulaklak tulad ng Baguio.

Pero sa ngayon ay hindi pa naman sila nagtataas ng presyo. Naging matumal ang bentahan ng mga bulaklak nitong mga nakaraang buwan bunsod ng pandemya.

Umaasa sila na sa mga darating na araw ay mababawi na nila ang kanilang mga naipuhunan.

Ilang sa mga bulaklak na mabenta ngayon ay ang mga sumusunod:

• Roses nasa P300-P350 kada dosena
• Baby Roses P250-P350 kada dosena
• Sunflower P100 kada piraso/tangkay
• Ecuadorian Rose P250 kada piraso/tangkay

Ang presyo naman ng bouquet ay naglalaro sa P350 hanggang P1,500.

- TeleRadyo 5 Pebrero 2021