4 na umano'y kidnappers patay sa engkuwentro sa QC

ABS-CBN News

Posted at Jan 22 2021 06:37 AM

Watch more in iWantTFC

MAYNILA - Patay ang 4 na hinihinalang kidnappers sa engkuwentro ng mga pulis sa Barangay Holy Spirit, Quezon City Biyernes ng madaling-araw.

Nailigtas naman ng mga tauhan ng Philippine National Police-Anti-Kidnapping Group at Quezon City Police District-Special Operations Unit ang dinukot na Chinese national.

Batay sa paunang imbestigasyon, nakatanggap ang mga pulis ng impormasyon mula sa isang Chinese national na may kasamahan itong dinukot ng 4 na lalaking Pinoy.

Natunton ng mga awtoridad alas-3:40 ng madaling-araw ang umano'y hideout ng mga suspek sa Barangay Holy Spirit.

Nauwi umano sa palitan ng putok ang nasabing operasyon na nagresulta sa pagkamatay ng lahat ng hinihinalang kidnappers.

Wala pang pagkakakilanlan ang mga suspek habang patuloy ang pagsusuri ng SOCO sa crime scene.

Narekober sa lugar ang ilang baril, hand grenade at umano'y shabu. - Ulat ni Lyza Aquino, ABS-CBN News

Bisitahin ang Patrol.PH para sa iba pang mga balita.