Pinabulaanan ng Catholic Bishops Conference of the Philippines (CBCP) ang hinggil sa tinatawag na umano'y "holy alcohol" laban sa coronavirus disease 2019 (COVID-19).

Ayon sa pahayag ng CBCP, nag-anunsyo ang Archdiocese of San Fernando ukol sa kumakalat na isyu at tinatawag itong fake news.

Dagdag pa nila, hindi totoo na pinalitan ng alcohol ang holy water sa loob ng simbahan.

Una na kasing pinatanggal ng mga obispo ang mga holy water sa may entrada ng mga simbahan para maiwasan ang pagkalat ng novel coronavirus pero hindi totoo, anila, na pinalitan ang holy water ng alcohol.

Ayon pa ng simbahan, hindi rin totoo ang mga bagay tulad ng holy face mask, holy face shield, holy sanitizer, holy goggles at holy personal protective equipment (PPE) laban sa COVID-19.

Mayroon kasi mga tao na ginagawa ito bilang marketing strategy o gimik, dagdag nila. --Ulat ni Jekki Pascual, ABS-CBN News