MAYNILA - Mula sa P230 kada kilo ng sibuyas noong nakaraang linggo, tumalon na sa P250 to P270 pesos kada kilo ang presyo nito ngayong linggo.

Kailangan pa kasing maghintay muli ng mga panibagong supply ng lokal na sibuyas ang kanilang mga supplier. Pero sa kabila nito, mas marami pa rin ang customer na bumibili dahil sa papalapit na ang Pasko.

Ang ilang mamimili sa Divisoria bumibili ng mga ititindang sibuyas sa Las Piñas. Ang ilang naman ipinagpaliban na muna ang pamimili nito para makatipid.

• Presyo ng pulang sibuyas posibleng bumaba sa ika-2 linggo ng Disyembre

Sa sobrang mahal kasi, isang kilo na lamang ng sibuyas ang kaya nilang mabili.

Ayon sa mga nagtitinda sa Divisoria, bandang Pebrero na raw muling magkakaroon ng panibagong stock ng lokal na sibuyas ang kanilang mga supplier, pero paniguradong aabot naman ang kanilang mga panindang sibuyas hanggang Enero.—Ulat ni Izzy Lee, ABS-CBN News