MANILA- Tampok ngayong taon ang mga mukha ng tambalang Kathryn Bernardo at Daniel Padilla bilang rice paddy art.

Nagsimula ang pagbuo ng rice paddy art dito sa Pilipinas noong 2014 sa demo farm ng Philippine Rice Research Institute.

Ani Nehemiah Caballong, ICT specialist ng FutureRice, isang paraan ang paggamit ng mukha ng mga sikat na tao para mas bigyang pansin ang agrikultura ng bansa.

Isang paraan din ang rice paddy art sa pagpapakita ng iba't-ibang uri ng palay.

"Galing sa ibang bansa ang variety na ito... purple yung leaves... ginagamit natin mga sikat na tao para mas makahikayat [ng pansin]," ani Caballong.

Ilan sa mga mukhang ginamit na sa rice paddy art ay ang aktor na si Coco Martin, at ang mga opisyal na sina Pangulong Rodrigo Duterte at Bise Presidente Leni Robredo.

At ngayong taon, sina Bernardo at Padilla na mga bida sa ABS-CBN teleserye na "La Luna Sangre" ang tampok sa rice paddy art sa Science City ng Muñoz, Nueva Ecija.

Magpapatuloy umano ang PRRI sa paghahanap pa ng iba't ibang paraan para mas mahikayat ang kabataan na bigyang pansin ang agrikultura.