Watch more News on iWantTFC

MAYNILA – Mahigit 330,000 na posisyon sa Sangguniang Kabataan (SK) ang pagbobotohan ng halos 24 milyon na registered youth votes sa darating na SK elections sa Oktubre 30.

Umabot din ng 5 taon mula nang huling nagkaroon ng halalan sa barangay at SK.

Itinatag ang Sangguniang Kabataan sa pamamagitan ng Local Government Code of 1991 o Republic Act 7160 para mabigyan ng pagkakataon ang kabataan na makilahok sa pamamahala.

Noong 2016, nireporma ang SK upang higit na maging instrumento ng paghuhubog at pagpapaunlad ng kabataan.

Higit sa pagsasagawa ng ligang pang-isports sa kanilang komunidad, tungkulin din ng SK na maglunsad ng mga proyekto para sa good governance, youth employment and livelihood, gender sensitivity, at iba pa.

Nagbukas ang pag-file ng certificates of candidacy para sa SK noong Lunes at magsasara ito sa Metro Manila sa Linggo.

Tatlong taon naglilingkod ang SK officials ayon sa batas. Pero dalawang taon lang ang termino ng mananalo sa 2023 barangay at SK elections.

– Ulat nina Kevin Fernandez, Albert Lirio, Terrence Masigon, Chase Ralutin, Kaxandra Salonga, at Jason Sigales, Patrol ng Pilipino Interns

• 'Blockbuster': Comelec says over 270,000 vying for barangay, SK posts
• ALAMIN: Mga responsibilidad ng isang SK official
• Patrol ng Pilipino: Bakit mahalagang lumahok sa halalan ng barangay, SK?