MAYNILA - Malawak ang fan base ng Filipino-American NBA player na si Jordan Clarkson sa Pilipinas.

• Clarkson OK’d to play for Gilas in Asiad, says PH delegation head Richard Gomez

Nitong Martes lamang nang makatanggap ng magandang balita ang Pilipinas na pinayagan na ng NBA na makapaglaro ang Cleveland Cavaliers guard sa Asian Games sa ilalim ng Philippine national team.

Nagpaabot din ng pasasalamat ang manlalaro sa lahat ng Filipino basketball fans sa kaniyang Facebook page.

Proud si Clarkson sa kaniyang dugong Pinoy.

Sa Pampanga nagkakilala ang kaniyang lola, si Marcelina Tullao Kingsolver, at kaniyang lolo, isang miyembro ng US Air Force na nakabase noon sa Clark Air Base.

Sa Angeles City ipinanganak ang kaniyang ina na si Annette Davis.

Nagpalipat-lipat ng station ang mag-anak hanggang sa nagpalista na rin sa US Air Force ang kaniyang ina.

Ang tatay naman ni Clarkson ay isa ring US Air Force veteran.

Habang nalinya ang kaniyang pamilya sa serbisyo sa militar, pinili ni Clarkson ang basketball.

Si Clarkson ang sumunod kay Raymond Townsend bilang ikalawang NBA player na may lahing Pinoy.

• WATCH: Warriors honor Raymond Townsend, first Fil-Am in the NBA