Labing-isa ang patay habang anim ang sugatan sa aksidenteng kinasangkutan ng pampasaherong bus at pickup truck sa national highway ng Barangay Lucban sa Abulug, Cagayan nitong Huwebes ng madaling-araw.  

Lumalabas sa imbestigasyon na galing sa lamay at pauwi na ang mga sakay ng pickup nang nangyari ang aksidente.

Palabas sa intersection ang pickup nang masalpok ng pampasaherong bus. 

“Bigla kasi paglabas ng pickup kaya hindi napansin ng bus driver. Mabilis din ang takbo ng bus base dun sa damage,” sabi ni PSMS. Alexis Gipolio. 

ALAMIN: Mga karaniwang aksidente sa sasakyan at paano ito iiwasan

Sa lakas ng pagbangga, halos mawasak ang pickup na sumalpok pa sa isang establisyemento. 

Nasawi ang 11 sakay ng pickup habang sugatan ang driver, dalawa pang pasahero pati ang isang natutulog sa nabanggang establisyemento.

Nasa ospital din ang driver ng bus na nabalian ng paa habang nagtamo ng minor injuries ang ilang pasahero. 

Going on a long drive? Here are some tips from LTO