MAYNILA—Hinihinalang sangkot sa “love scam” ang ni-raid na POGO hub sa Porac, Pampanga, ayon sa PAOCC. 

Sa ikatlong araw ng paghahalughog ng awtoridad sa Lucky South 99, natuklasan ang isang kuwartong puno ng desktop computers, cellphones at iba pang electronic gadgets. 

Ang mga ito umano ang ginagamit sa panloloko online—paniniwalaing nakikipag-usap sa isang magandang babae ang target para maengganyong maglabas ng pera para sa pekeng cryptocurrency investments. 

Kuwento ng isa sa mga nailigtas mula sa offshore gaming hub, pinahihirapan at binubugbog sila kung hindi maabot ang kanilang quota. 

Kasama sa mga nakumpiskang gamit din ang iligal na droga, at torture devices. 

Nasa kustodiya na ng awtoridad ang 160 foreign nationals, apat na biktima ng kidnap at torture, at apat na managers na sasampahan ng kasong human trafficking. Ipadedeport naman ang 151 na undesirable aliens. 

Sa lawak ng compound na nasa 10 ektarya at may 46 na gusali, inaasahang tatagal ng 9 hanggang 10 araw ang paghahalughog sa lugar.

—Ulat ni Gracie Rutao, Patrol ng Pilipino

Another raid at Porac POGO hub: Cash, jewelry, suspected drugs seized
POGO hub sa Pampanga sinalakay dahil sa sumbong ng torture, sex trafficking 
Umano'y torture victims idinetalye ang sinapit sa Porac POGO hub