MAYNILA – Dinaluhan ng mga kamag-anak at tagasuporta ng dating senador at opposition leader Benigno “Ninoy” Aquino Jr. ang isinagawang misa sa Manila Memorial Park para gunitain ang ika-41 na anibersaryo ng pagkamatay niya.

Pinaslang si Ninoy sa tarmac ng ngayo’y  Ninoy Aquino International Airport (NAIA) noong Agosto 21, 1983. 

Kinilala siyang democracy icon dahil sa paglaban para sa karapatang pantao noong diktadura ng dating pangulong Ferdinand Marcos Sr.

Inilipat ngayong taon ni Pangulong Ferdinand Marcos Jr. ang commemoration ng Ninoy Aquino Day mula Agosto 21 papuntang Agosto 23 para sa holiday economics. 

Para sa pamangkin ni Ninoy na si dating senador Bam Aquino, nauunawaan niya ang hakbang pero naniniwala bilang kamag-anak na mas magandang gunitain ang sakripisyo ni Ninoy sa mismong araw na namatay siya.

Pinili rin ng ilang grupo na ituloy ang pag-aalala sa Ninoy Aquino Day nitong Agosto 21 sa pamamagitan ng pag-alay ng bulaklak at iba pang aktibidad gaya ng motorcade.

- Ulat ni Izzy Lee, Patrol ng Pilipino

Video produced & edited by Saidie Menor & Cyl Pareja

Marcos moves Ninoy Aquino Day to August 23

Ninoy Aquino's 41st martyrdom anniversary marked amid controversy over holiday change

Moving 'Ninoy Day' won't diminish fact that Aquino Jr. died fighting for country, says family

Family, supporters commemorate 41st year of Ninoy Aquino's assassination