MAYNILA — Sa flag-raising ceremony sa Porac Municipal Hall, sinamantala ni Mayor Jing Capil ang pagkakataon na talakayin ang naging rescue operation ng Presidential Anti-Organized Crime Commission (PAOCC) sa POGO hub na Lucky South Outsourcing 99, Inc.

• POGO hub sa Pampanga sinalakay; higit 150 dayuhan natagpuan

Ayon kay Capil, ang Lucky South 99 ay walang Mayor’s Permit ngayong taon at nasa Negative List ng Bureau of Fire Protection.

Kahit sang-ayon si Capil sa PAGCOR na may positibong kontribusyon ang mga lehitimong POGO, mariin niyang kinondena ang anumang krimen o ilegal na gawain na sumisira sa integridad ng negosyo.

Nagpahayag siya ng suporta sa PAOCC.

• 'POGO-politics': Suspected China ties of Tarlac town mayor alarms solon

Samantala, sinabi ng PAOCC na umabot sa 160 ang mga dayuhan na naitala sa Lucky South 99, kung saan 151 ang itinuturing na mga "biktima" o kaya nama'y mga "undesirable alien."

Kasama sa mga nasagip ang 4 na kidnap victims.

Nakatakdang i-deport ang 151 na biktima.

Samantala, nahuli naman ang 4 manager ng POGO hub pati na rin ang isang itinuturing na "torturer/enforcer." —Ulat ni Gracie Rutao

KAUGNAY NA VIDEO