Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
4 mangingisda nasagip matapos tumaob ang bangka sa Northern Samar
4 mangingisda nasagip matapos tumaob ang bangka sa Northern Samar
ABS-CBN News
Published Dec 24, 2022 12:04 AM PHT
Kuha ng MDRRMO Palapag
Nailigtas ang ilang mangingisda matapos tumaob ang sinasakyan nilang bangka sa laot sa Palapag, Northern Samar nitong Biyernes.
Ayon sa Palapag MDRRMO, ang unang bangkang lumubog ay may sakay na dalawang mangingisda na residente ng Barangay Mapno at ang isa namang bangka ay may sakay rin na dalawang mangingisda mula Barangay Monbon.
Ang mga mangingisda ay pumalaot nitong Huwebes kung kailan maganda pa ang panahon.
Habang nasa karagatan, hinampas ang mga bangka ng malalaking alon. Agad nasaklolohan ng kapwa mangingisda para makabalik sa dalampasigan.
Mayroong 3 mangingisda pa mula sa Barangay Mapno sa nasabing bayan ang patuloy na minomonitor dahil hindi pa nakakabalik matapos na magpalaot umaga nitong Huwebes.
Umiiral pa rin ngayon ang gale warning sa karagatan sa Northern Samar at nakakaranas din ang probinsiya ng mga pag-ulan epekto ng low pressure area.—Ulat ni Ranulfo Docdocan
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
