FLASH REPORT: Lalaki, patay matapos masagasaan ng tren ng PNR sa Pandacan, Maynila | Ulat ni @JervisManahan pic.twitter.com/rDx9vWsBdK

— DZMM TeleRadyo (@DZMMTeleRadyo) December 18, 2018

Watch more in iWantv or TFC.tv

Patay ang isang lalaki matapos masagasaan ng tren ng Philippine National Railways (PNR) sa Pandacan Station sa Maynila nitong Miyerkoles ng umaga.

Ayon kay Inspector Genesis Aliling ng Beata Police Community Precinct, bandang alas-6:30 ng umaga ay tumawid ang lalaki sa ilegal na daanan kaya biglang nahagip ng rumaragasang tren.

Nakaladkad ito ng tren na northbound at may body number 8.

JUST IN: Lalaki, patay matapos masagasaan ng tren sa Pandacan Station ng PNR @ABSCBNNews @DZMMTeleRadyo pic.twitter.com/AZnocOFwZh

— Jervis Manahan (@JervisManahan) December 18, 2018

Pansamantala munang tinakpan ng mga dahon ng saging ang nakatiwangwang na bangkay.

Base sa kaniyang ID, construction worker sa isang kompanya sa lugar ng aksidente ang hindi hindi pa pinapangalanang lalaki.

May ID at naka-uniporme ito kaya tingin ng mga awtoridad ay papasok ito sa trabaho.

Sinusubukan pang kuhanan ng pahayag ang PNR kaugnay ng insidente.

—Ulat ni Jervis Manahan, ABS-CBN News