Naitala ang ilang pagguho ng lupa sa Davao City at Davao de Oro dahil sa malakas na ulang dala ng bagyong Odette.

Gumuho ang lupa sa Purok Tinago, Barangay Matina Crossing, Davao City Huwebes ng umaga.

Ayon kay Davao City Disaster Risk Reduction and Management Office Chief Alfredo Baloran, 2 bahay ang natabunan sa nangyaring landslide.

Tatlong pamilya ang apektado, pero wala namang namatay o nasugatan sa naturang insidente.

• Odette makes another landfall, this time over Negros Oriental

Sa bayan ng Mawab sa Davao de Oro, nagkaroon ng minor landslide sa isang kalsada sa Sitio Pagud, Barangay Concepcion Huwebes ng hapon dahil pa rin sa sama ng panahon.

• Pacquiao urges presidential bets to set aside politics, help Odette victims

Ayon sa Mawab municipal disaster risk reduction and management office, 1 lane lamang ng kalsada ang nadaanan dahil sa pagguho ng lupa, pero inaksyunan na ng lokal na pamahalaan ang sitwasyon sa pamamagitan ng clearing operation. —Ulat ni Hernel Tocmo