Ninakawan umano ang isang lalaki matapos maaksidente habang nagmamaneho ng motor sa Maynila pasado alas-3 ng madaling araw Huwebes.

Sugatan ang isang lalaki matapos mabangga ang minamaneho nitong motor sa barrier sa España, Maynila pasado alas-3 ng madaling araw nitong Huwebes.

Ayon sa mga awtoridad, lasing umano ang biktima. @ABSCBNNews pic.twitter.com/rPVdi43QB0

— Kevin Alabaso (@KevAlabaso) December 15, 2021

Ayon kay Jessie Icamina, barangay tanod sa lugar, nakainom umano ang biktima na kinilalang si Constant Gregorio.

Bumangga sa isang steel barrier si Gregorio habang binabaybay nito ang kahabaan ng España, ani Icamina.

Nagtamo ng mga galos sa binti at likod ang biktima. Base sa inisyal na ulat ay inaalam pa kung nabali ang kaniyang buto sa kanang braso.

Ayon sa kapatid ng biktima, bukod sa naaksidente si Gregorio, ninakawan din umano ito habang nakahandusay sa kalsada dahil wala na ang kaniyang ari-arian tulad ng cellphone at wallet.