PatrolPH

ALAMIN: Kailan dapat magtungo sa clinic o teleconsult habang 'new normal'

ABS-CBN News

Posted at Dec 15 2020 04:36 PM

ALAMIN: Kailan dapat magtungo sa clinic o teleconsult habang 'new normal' 1
Nagsasagaw ng online medical consultations ang mga doktor sa Marikina City Health Office sa larawang ito noong Abril 6, 2020. Jire Carreon, ABS-CBN News

MAYNILA – Maraming ospital ang nag-aalok ng teleconsultation ngayong limitado ang transportasyon at may agam-agam ang ilan na mag-walk in habang may coronavirus disease (COVID-19) pandemic. 

Payo ni Cheridine Oro Jose ng Philippine Academy for Family Physicians, kung nakakaramdam ng ubo at sipon ay mas mainam na magpa-teleconsult na lang muna. 

"Kung ang ating mga sintomas ay simple halimbawa ubo sipon lagnat meron tayo sa lahat ng ospital na teleconsultation o by appointment na walk-in," ani Jose. 

Watch more on iWantTFC

Kasama sa tinitingnang sintomas ng COVID-19 ay ang ubo at lagnat. 

Pero kung magwo-walk in, may ilang dapat tandaan, ayon kay Jose. 

Una ay dapat naka-face mask at face shield pagpasok ng clinic. 

Dapat ding mag-book ng appointment sa clinic dahil bawal nang pumila sa labas ng pasilidad. 

Tiniyak naman ni Jose na hindi nagtataas ng singil ang mga clinic dahil sa online consultations. 

RELATED VIDEO:

Watch more on iWantTFC
Bisitahin ang Patrol.PH para sa iba pang mga balita.