Higanteng mga parol bibida sa Pampanga lantern fest

Gracie Rutao, ABS-CBN News

Posted at Dec 15 2018 11:10 AM | Updated as of Jul 18 2019 01:11 PM

Nasa 11 barangay ang kalahok para sa taong ito sa Giant Lantern Festival sa San Fernando, Pampanga. Gracie Rutao, ABS-CBN News

SAN FERNANDO, Pampanga – Handa na ang mga higanteng parol para sa taunang selebrasyon ng Giant Lantern Festival na inaasahang dadagsain ng mga residente at mga bisita sa bayan ngayong kapaskuhan.

Watch more in iWant or TFC.tv

Ngayong taon, 11 barangay ang lalahok sa festival. 

Nasa 20 feet ang sukat ng makukulay na parol at may 10,000 bulbs.

Ang giant lantern maker na si Mary Anne Sason ay ang kauna-unahang babaeng contestant sa festival.

Karamihan pa ring ginamit sa paggawa ng parol ay fiber glass at polyvinyl plastic.

“Kung titingnan natin 'yung mga designs ng mga lantern makers natin, and what we’ve been preserving in the competition is nandun pa rin ‘yun human and humane element," ayon kay Tourism Officer Ching Pangilinan.

"Instead na gagawa sila ng computerized na lanterns, 'yung entries sa festival they’re still operated by rotors and siyempre, it really takes a barangay or a village to mount a lantern for the competition,” dagdag niya.

Inihahanda na rin ang paglalatag ng seguridad at pagsasaayos ng trapiko para sa inaasahang libo-libong daragsa para sa festival ngayong Sabado.

Bisitahin ang Patrol.PH para sa iba pang mga balita.