Christmas cash gift ilalabas sa mga pensiyonado simula Disyembre 1: GSIS

ABS-CBN News

Posted at Nov 29 2020 06:14 PM

ABS-CBN News/File

Inihayag ngayong Linggo ng Government Service Insurance System na maglalabas sila ng nasa P3.3 bilyon para sa cash gift ng mga pensiyonado simula sa unang araw ng Disyembre.

Ayon kay GSIS President Rolando Macasaet, ang mga pensioner na nakatanggap ng Christmas cash gift na P10,000 noong nakaraang taon, makatatanggap ngayon ng halagang katumbas ng isang buwang pensiyon.

Ang mga nakatanggap naman ng higit P10,000 noong 2019, aabot sa P12,600 ang cash gift ngayon, ani Macasaet.

Pasok sa Christmas cash gift ang mga retirado at disability pensioners ng GSIS na regular na nakakatanggap ng buwanang pensiyon at nabubuhay pa.

Watch more in iWantTFC
Bisitahin ang Patrol.PH para sa iba pang mga balita.