MABALACAT CITY - Arestado ang anim na tao sa isinagawang buy-bust operation sa Mabalacat City, Pampanga nitong Miyerkoles ng madaling araw.

Huli sa operasyon ang target na kinilalang si Marcus Padlan at lima nitong kasama.

Nakuha mula sa kanila ang mahigit kalahating kilo ng hinihinalang marijuana na may street value na P69,000 at 58 gramo ng hinihinalang shabu na may street value na P394,000.

Bukod sa droga, nakuhanan rin ng baril si Padlan. Napag-alaman ring baril ng pulis ang isa sa mga nakuha sa kaniya.

“Upon verification, itong Gloc na narecover namin sa possession ni Marcus, it was stolen, 2 weeks ago, sa Mabalacat area din isang personnel natin mula sa Angeles City Police Office ang nagmamay-ari noong naka-issue doon," ani Police Supt. Rommel Batangan.

Kinasuhan na ngpaglabag sa Comprehensive Dangerous Drugs Act ang mga naaresto. Haharap din sa kasong illegal possession of firearms and ammunition si Padlan.

Nakatakda rin siyang kasuhan ng robbery ng Mabalacat City Police Office.