Watch more in iWantv or TFC.tv

Kuha ng Fritce TV

Isang 68-anyos na lalaki ang nasugatan at nabalian ng buto matapos makagat ng buwaya sa zoo ng isang resort sa Cagayan de Oro.

Nagpapa-picture umano ang biktima na si Nehemias Chipada kasama ang kaniyang pamilya sa mga estatwa sa isang pond sa Amaya View nang bigla itong sakmalin ng buwaya.

Kinagat ng 12-talampakan na buwaya si Chipada sa braso hanggang swerteng nakawala ang lalaki at nakatakbo habang duguan. May nakuhang ngipin ng buwaya sa kanyang braso.

Ayon sa anak niya na si MJ, nagpadala ng tulong pinansyal ang management para sa pagpagamot ng kaniyang ama.

Birthday umano ng biktima at namasyal sila sa resort noong Nob. 10.

• Buwaya nakita malapit sa beach sa Balabac, Palawan

Sa statement ng Amaya View sa kanilang Facebook page nitong Lunes, sinabi nilang handa din silang panagutan ang lahat ng medical bills nito hanggang maka-recover.

Kinondena nito ang naglabasan na false information sa social media tungkol sa insidente at umapela sa publiko na huwag magpost ng mga nakakasama laban sa biktima at ang kaniyang pamilya.

Iginiit din ng Amaya View na responsibilidad nila ang kaligtasan ng kanilang lahat na mga bisita.

— Ulat ni PJ dela Pena

KAUGNAY NA ULAT

Watch more in iWantv or TFC.tv